حــلات البنـات عالمسنـــجــر..

]اولاالرسمية :->

]وكل كلامها احترم نفسك قول لي كيف الحال لاتسألني عن اخباري هذي حياتي الخاصه انت مالك دخل ... يعني بتعطيك محاضره عنوانها ( لاتقول كيف اخبارك ) .. همن تصقعك بلوك ( حظر ) ومن زود الرسمية اللي فيها بعض الاحيان لين قلتلها اهلين قالت انا مو اصغر عيالك قول لي هلا وبس اهلين مانعرفها وفيها شبهه ... ( وش الشبهه يرحم امك تبين نقولك اهلين يااختاه).

ثانيا المصلحجيه :
هذي ما تسلم عليك الا فالشهر مره (كثير فالشهر مره ) ... أو بالاصح اذا عندها موضوع كاتبته في المنتدى وتبيك ترد عليه او تصلحلها الجهاز ... بتجيك وتقول فلان حبيبي .. اقولها هلا والله عاش من شافك وين الناااس من زمان ما شفناك .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيك الرسمية ...(يمدحون بنك المصلحجيه بس ) ... عاد انا متعود على هالحركات اطقها في وجها اقولها ... اها أخلصي وش عندك وش تبين؟ ..... مايمديني اقول لها هالكلمة الا صاكه اللنك في وجهي .... واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع وجهي ازين ... قول ايه بس ) ... والزبده كلها رد على موضوعي وبس

]ثالثا الهبله :->

تجيك وحده فاقده ... حاطه عقلها في شنطة الجامعة وجايتك .... وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاجه "

]رابعا العاقله

من زود ركادة العقل فيها لين ضحكت تضحك كذا ههههههههه. تحط نقطه في آخر ضحكتها ( يعني مجرد موقف ضحكت عليه لاتحسب اني مستانسه على سوالفك ) .... ولين قالت شكرا مو مثلنا نقول شكرن لا هي تحط التنوين الطامره فوق الحرف مثل كذا (شكراً)...

]خامسا الدبشه :->[
هالنوع يابو الشباب.. ماتدخل في الشهر الا مره ... وكل سوالفها وشلون امك عساها طيبه .. وتسولف معك وبرايفتها الثاني مع ستيف وطقته .... (ما ادري وش تبي من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( منت هين تعرف مشاعر ومساحيت مدري احاسيس)

]مشغول ، Bussy ]

.... اعرف انها قاعد اطلع القمل من شعرها ، ولا انها تطاق مع اختها من اللي يدخل بأيميله ....

سأعود حالا ، BRB ]


قاعده تاكل بس مستحيه تعلم ... ولا اكيد انها راحت ( ؟؟؟؟؟؟ )

]بالخارج، Out Side ]

... اكيييد انها تقصقص اضافرها ( حوافرها ) ، ولا امها وراها تدهن شعرها بزيت زيتون ولا دابر ... وحده منهم اذا ماشميت الريحه زين ....

على الهاتف ، On Phone ]

... يعني لاتفكر ترقمني تراني اكلم خويي ... ( والله التفسير لاقشر)....

]بالخارج للغذاء ، Out To Lunch ]

.... تعرف انها قاعده تغير ملابسها وتبيك تستحي على وجهك وماتكلمها .. لانك اذا كلمتها بتقول اكيد هذا فقران وطاقه الجوع ولا بينظلني فالواحد بيستحي ويسكت ( يالبنات اذا انتم مشغولين حطو بالخارج للغذاء تري اهي احسن من مشغول ... تراي اعرف العيال يستحون لين شافوكم


]يــلا كــل وحــده تقــول هــي مــن أي نــوع ..